من طف حسين تعلمنه لجل المبدأ نرخص دمنه

دمنه هديه لبن الزچيه
لجل المبدأ نرخص دمنه
***
صرخه حسين التـدوي ترسم خطوط المســــــيره
كل زمان تصير ثـوره گمره للظلمه منيــــــــــره
لاتخاذل لاتنـــــــــازل صوت عن وعي وبصيره
عن نهج احمد تحامــي ضداميــــــه لاتديـــــــــره
اصلاح المنهج عنوانه ضد يزيدوضد اعوانـــه
اهل الرديه لبن الزچيه
لجل المبدأ نرخص دمنه
***
ذيچه لاءه اللي طلقـــه هزت عروش الضــــــلاله
لاء وبدمه كتبـــــــــــه خضرت حگ وعدالـــــــه
والصدى البيهه نسمعه قرون ويوصل رسـالــــــه
هذا دمي اللي بذلتــــــه اصلاح للدين وكمــالــــــه
دين الله اثبت من دمي ودم الوالي وكسرة امي
بهاي المنيه لبن الزچيه
لجل المبدأ نرخص دمنه
***
طفه علمنه العزيمــــه نحمي بدمانه العقيـــــــــده
ومانذل فد يوم هامـــه درس علمنه وريـــــــــــده
هو ما يرضانه نخضع يبقى يطربنه نشــــيـــــــده
نحيا ونعيش بكرامـــه والثمن جنه سعــــــــــــيده
سوط الظالم ميألمــنه شگد ارواح الي قدمنــه
لخير البريه لبن الزچيه
لجل المبدأ نرخص دمنه
***
احنه بحسين ارتبطنـــــه بالمهد حبنـــــه رضعنـــــه
لحظه لونوره تركنـــــــه والله يتغيـــــر وضعنـــــــه
احنه لوما حسين تهنـــــه نعبد اصنـــــامه رجعنـــــه
چان عوزى ولات ترجع واحنه بالبــــاري شركـــنه
حافظ علدين واحكامـــه مايصبح لعبه لحكامـــــه
بنفسه لابيه لبن الزچيه
لجل المبدأ نرخص دمنه
***
نسأل التاريخ لحظــــــــه حسين لو خصمــه التخلـــد
يزيدمن شجره اميــــــــه حسين من شجره محــــمــد
السبط طال الثريــــــــــا وصار فوگ النجــــم وزود
صار گبره نشوفه كعبــه والحجيج علــــيه توافــــــد
ليزيد النار التبــــــــراله وبحسين الجنه تتـــــلاله
وصوره بهيه لبن الزچيه
لجل المبدأ نرخص دمنه
***
بالضمير حسين خـــــالد رغم انــــف الناصبــــيه
ليش ظل الضامي عايش بالحياة الســــرمـــــــديه
روحه قدمهه هديـــــــــه للرســــاله الاحمـــــــديه
شماتمر دهور يبقــــــــه حسين ابــــن خير البريه
وياه العالم ما تندم لوتسلك دربه وتتألم
صبح ومسيه لبن الزچيه
لجل المبدأ نرخص دمنه




تم تنشره یوم 13:11:07 - 1390/10/1 من من قبل الرادود حاتم الزرگانی عدد الزوار 102



 

أنصار أنصار للزهره ويعرفونه

*****************

الها انصار ونصيح بأعــله صوت

مانهاب احنه المنيه ونخشه موت

ويـن متــريـــــد الها خدام ونفوت

نحچي احنه وخلهم ايسمعـونـــــه

أنصار أنصار للزهره ويعرفونه

****************

نبقه خــدام ونطـيــع الهــا الأمـــر

والعــمــر كله نضحـيــه للعـــمـــر

مانهاب احنه ونخاف اهــل الغـدر

انطيعچ احنه وفنهم ايمنعــونــــه

أنصار أنصار للزهره ويعرفونه

**************

للامــر كله نطـيـعــــه ونمـتــثـــل

وكل حـبــل حبهــا يضـل ومتصل

بشرف احنه انجاوب ولـو ننسأل

شيعـتــه الحـيـدر علي ايسمـونه

أنصار أنصار للزهره ويعرفونه

***************

نفدي كل اعــمـارنـه الها ونطيع

للمحـبـه انصونها ولا مانـبـيـــع

تبقه تربي عيونه الأرض البقيع

وتبچي من دم تبقه الها اعـيونه

أنصار أنصار للزهره ويعرفونه

***************

عالــدرب نبقه نسيـر و مانحـيــد

تبقه تكـبـر كل محـبـتـنـه وتـزيـد

چم شمر مر بينه احنه وچم يزيد

كلها تخسه وابد ميخــوفــونـــــه

أنصار أنصار للزهره ويعرفونه

***************

الچ وقـعــنــه عـهــدنـــه بـالــدمه

وعالعهد شاهد علي حامي الحمه

يبقه حبچ ثــوره بـيـنــه وقـائـمه

انحبچ احنه وخلهم أيـلـومــونـــه

أنصار أنصار للزهره ويعرفونه




تم تنشره یوم 13:09:45 - 1390/10/1 من من قبل الرادود حاتم الزرگانی عدد الزوار 81



صــاح بالانــصــار بـن ضاهر حبيب == باچر تـصـيـر الــحـرب ولـحومه


هاي زينب بت علي يم الحسين == انشوفهه تهل الدمع مهضومه


*******
يبـن ظاهر هاك اسمع هالجواب== احـنـه طلگنه النساء وجـيـنـه


فـدوه لبن المصطفى احنه نروح == باچر احنه الهه الكفو ولـعـيـنه


خــاتـم بـيـمـنـاك يـاشيخ الانصار== انـتـه بـيـدك للــحــرب وديـنــه


احنه الاول من نطـب لرض القتال== استمع من عدنه هالمعلومه


*******
دمعت عينه حبيب لهل الكــلام==من سمع انصار ابن حامي الحمه


تـنـتـضر يوم الحرب يوم القـتال ==تـريـد تـفـدي ارواحه وتنطي الدمه


ماتعوف حسين ابد هاي الرجال== ولـشـفـاعه تــريـدهه من فاطمه


يله يا اصحابنه نـــزور الـحسين ==ولـعـقـيـلـه الـطـاهــره الـمـضلومه

تجمعو كلـهـم وصاحو ياحسين ==يريحانة فاطـمـه يـبـن الـبـتـول


بطلب جينه ومن كرم چفك نريد== بالبدايه نـريد مــنـعـنـدك قبول


سلم وكـال الـطـلـب الـكم يهون== انـتــم الـبـادين يا اهل الاصول


بشهاده انتم وياي مـسـجـلين ==وهاي من المصطفى مرسومه


*******


يا حـبــيــب ابـن مـضاهر يا برير==الـكــم مـن ابــن الـزجيـه بـشـــاره


حين غذاني بعلومة المصطفى== وكشف عن ارض الطفوف اسراره


اعـــلـن الجنه الــزهــيــه للانـــصــــــار= الـمـصطفى وفضلهم على انصاره


لان رايح للحرب عنده يقين==ينزف بساحت قتال ادمومه

 

 

 


يا بـنـي هــاشــم تـعـالـو يـا لـنـصار== ارد ابين للحرب منهو اليطب


اشر عله اصحابه ابو اليمه الحسين== وكــال هـيـه البادية اول حرب


وبـنـي هـاشــم كـالـو اشـتامر يصير== الك والانـصـارك انـفـذ الـطلب


احـنــه والانــصـار الـك فـدوة نــــروح ==والشهادة مسجلة ومقسومه

*******


فــاز كلمن تبع خطك ياحسين== وذاد بـالـروح ونـشـرلك صـارمه


بــشـهـادة كرمه الباري الجليل== وبـجـنـة الـفـردوس ربــك كرمه


ولـيـتـنـا كــنـا مـع جون وسعيد==وبالشهادة اجسامهم متخذمة

 
قــدوة للــدين اصبحو اروع مثال==ضد يزيد وزمـــرته الــمـشـئومه




تم تنشره یوم 13:08:41 - 1390/10/1 من من قبل الرادود حاتم الزرگانی عدد الزوار 80






يحسين الك انصار -- طيبه المراضع



يوم الحرب لوصار -- عالحگ تدافع


الله الذي يختار -- هالصفوه والاخيار


--


يحسين الجهاد ايريد -- ناس الماتهاب الموت


ترفض كل عبوديه -- وترفع عالطغات الصوت


للذل ماتمد يدها -- تسحگ عالمنايا أتفوت


وكل أسم الذي اختاره -- ربك بالعرش منحوت


بيهم يريد الدين -- يعله مقامه


الحكم الطغاة ايدين -- يرفض نظامه


والفازوا بهل الدار -- هالصفوه والاخيار


--


ابساحات الكفاح انشوف -- ما واحد بقه خالد


بس انصارك السبعين -- واحدهم بالف واحد


منهم للشهاده ايريد -- ويحصل المجد رايد


ظلت كربله تفخر -- بيهم والزمن شاهد


السان الزمن كل حين -- يذكر فضلهم


هالفتيه المضحين -- ميصح مثلهم


من يوصف الاحرار -- هالصفوه والاخيار


--


لبّوا للعقيده الصوت -- يالاحرار نادتهم


وبأرض الشهاده اصفوف -- سور اتصير وگفتهم


والرايه حبيب بايد -- هزها وهيه جمعتهم


بيها الشرف والوجدان -- بيها العزّه رايتهم


هالرايه بيد احرار -- اتحير خصمها


همه حماة الدار -- همه قممها


سيوف وعصف من نار -- هالصفوه والاخيار


--


صبوا هالحمم وسيوف -- ظلت عالرگاب اتطوف


وارتعبت بني أميه -- الموت ابهل السيوف اتشوف


ليهم من نزل عابس -- انصابوا بالذعر والخوف


ابصدره يشگف الطعنات -- وارماح العليه وسيوف


خلي الاحرار اتشوف -- هاي البساله


ويه الحسين اصفوف -- ابساحة نظاله


ماقدموا أعذار -- هالصفوه والاخيار


---


هذا اللي يريده حسين -- كون امن الصلابه اصلب


ايريده بالعزم ثابت -- وخصمه منه يتهيب


يصبر لو يحزه السيف -- ايخلي الصبر يتعجب


ويريد ابسمه الامجاد -- يتخلد يظل كوكب


لبوا نداء الله -- لمن دعاهم


نادوا ياحسيناه -- بذلوا دماهم


نالوا رضا الجبار -- هالصفوه والاخيار


---


قدموا دم مناحرهم -- كل قطره صفت ثوره


واخذوا منهم الثوار -- ادروس التضحيه وعبره


واليبذل لجل هالدين -- عند الله عله قدره


ومن ضحه ابو السجاد -- حي مامات ظل ذكره


كربله روح وشوف -- نور الامامه


عالگبر من اتطوف -- اتحس بكرامه


ومن صحبته الانوار -- هالصفوه والاخيار




تم تنشره یوم 13:06:26 - 1390/10/1 من من قبل الرادود حاتم الزرگانی عدد الزوار 66





انصارك معروفين -- للشدد مذخورين

---

يحسين هاي انصارك وعد عيناك

سيوف ورماح انصير حطنه ابيمناك

من عالم الذر عالعهد عاهداناك

الدرب اشهاده والمجد احنه اوياك

خل تشاهدنه -- للشدد مذخورين

----

باچر تشوف شلون عندك انصار

ابساحة الموت اتصير الك نور ونار

همه الليوث وهمه يحمون الدار

منك تعلموا كون يبقون احرار

والعزم لا ميلين -- للشدد مذخورين

----

منك عزمنه والصبر والحكمه

دونك نجاهد ياامام الأمه

برگابنه هالنصره تبقه ذمه

كل واحد البينه رخصلك دمه

بدمنه ننصر الدين -- للشدد مذخورين

---

يحسين اسمع هالتاف ايهتفون

عابس برير او مسلم اوياهم جون

اسمع حبيب ابرايته هز الكون

ابدم المناحر لاتظن ايبخلون

عالعهد وموقعين -- للشدد مذخورين

----

يحسين ليهمك انصارك وياك

يحسين بالمال وبنين افديناك

اسباع الوغى وبينه تسرها العيناك

طلگنه مثلك طلگتها الدنياك

ابشر يبن الطيبين -- للشدد مذخورين

-----

احنه اسود ورابظه للشده

كل سيف من دم الرگاب انحّده

وفاّيه والبينه يوفي ابوعده

اشحده اليصل للخيم ولله اشحده

وين المفر لاوين -- للشدد مذخورين




تم تنشره یوم 13:04:47 - 1390/10/1 من من قبل الرادود حاتم الزرگانی عدد الزوار 120




ماننساه -- دوم اوياه -- حب حسين بالشريان


--


حبنه مامثيله حب -- وأحنه الهل الحبيب انذوب


حب حسين بالشريان -- يسري ايغذي حبه اگلوب


حبينه بصدق واخلاص -- حبينه اعز محبوب


ولآخر نفس وياه -- بالدم هالعهد مكتوب


يبقه حسين -- وسط العين -- أجمل صوره للايمان


--


يحسين الگلب واحد -- لا لا مايصح لثنين


ونته بالگلب ساكن -- بغيرك مارضه يحسين


انته النه الهوه والماي -- يحسين وضوه الهل العين


من عندك تعلمنه -- درس التضحيه الهل الدين


بعزم صبرك -- بدمه نحرك -- للثائر صرت عنوان


--


يحسين اليحب يسخي -- ولايبخل يظل ايجود


وأحنه لجلك الغالي -- نبذلك اعز مجهود


بالمال وبنين ودم -- اعلينه يشهد المعبود


مآتمنه يبو السجاد -- لمصابك تظل أشهود


جرح بينه -- يواليه -- عليك وكل گلب حزنان


--


يحسين بمآتمنه -- نخدم كل وكت كل عام


وجرح امصابك الهل اليوم -- ينزف بينه مايلتام


انته منهج الهل الدين -- انته كل شرع وأحكام


ونته مشعل الايمان -- يبقه ايضوي للاسلام


للمظلوم -- اسمك دوم -- ثوره ايصير عالطغيان


--


يحسين الدمع من دم -- لو مرّ أسمك وطاريك


واحنه بهل الخدامه هاي -- اشنبذل أبد منجازيك


امك فاطمه الزهره -- وريحانه النبي امسميك


وجبريل اليهز مهدك -- يتباها ابخدمته ليك


الك خدام -- وبكل عام -- دمنه أنقدمه قربان


--


--


بحب حسين شرد اوصف وشملي


اسمه اموّسم بگلبي وشملي


بالمحشر لوّن شمله وشملي


انجمع واشكيله حبه اشعمل بيّه


--


--


بحور أمحبتك يحسين ماجن


وجن ليل الولاء وغيره ماجن


عابس لوله حبك چان ماجان


مثل عابس غرامك صار بيّه





تم تنشره یوم 13:03:59 - 1390/10/1 من من قبل الرادود حاتم الزرگانی عدد الزوار 73




عالعهد يحسين نبقه ومن دمانه انوقعه

 والذي بحبك تمسك هذا طيب مرضعه


--


للابد باقي عهدنه أمن ألأزل عدنه عهد

 وشوف يحسين الموالي بخدمتك أخلص وجّد


ياسفينه او للنجاة أيأمن البيها صعد

 وبالحشر صك بيده ياخذ من أبوك أموقعه


--


يبو اليمه امقصرين اوياك شنهو انقدمه

 بالبنين او مال نقسم الك نبذل والدمه


أنته ريحانة محمد أنته روح الفاطمه

 يبن نون وقاف أنته وهل أتى والواقعه


--


جدك ل لله حبيبه ونته للهادي حبيب

 لو دعه الداعي ابضريحك الله للداعي يجيب


مايخيب العنده حاجه وگصد يمك مايخيب

 ومايرد مهظوم ضيفك لو بشباچك دعه


--


الله خصك بالشفاعه ونته تشفع للمحب

 بيك يغفرله الذنوب أيروح مغفور الذنب


ومن يزوغ البصر باچر علي يروينه العذب

 لأن أحنه بكل فريضه أمن الصلاة أنبايعه


--


يظل شلال المحبه يروي بينه كل نفس

 ياحسين أنته الامان وكل موالي بيه يحس


تظل غالي يبو اليمه وخصمك ايظل البخس

 وينها أگبور الخصوم بهل البريه ضايعه


--


وگبرك انشاهد ضريحه صار كعبه لليطوف

 ناس تتعنه ابجدمها ناس تتعنه زحوف


وها لملايين التزورك يبو اليمه مو ألوف

 كلها لبت للنداء لأمر جدك طايعه


--


بيك من وصه محمد گال ريحانه الي

 بيوم من كان بصلاته وعلى ظهره تعتلي


واحنه بالاصلاب صحنه يارسول بلي

 لأن أمه الزهره هيه الكل موالي شافعه


--


 




تم تنشره یوم 13:03:02 - 1390/10/1 من من قبل الرادود حاتم الزرگانی عدد الزوار 92



احنه اصحاب القضيــه     نحمــــــــل نفوس الأبيه

***

مركب حسين الركبنــه              بيـــــه يتنور دربنـــــــه

قصه بدمانه كتبنـــــــه             ويه ابن خيـــــــر البريه

***

احنه لحسين انتمينــــه             ومنهج الضامي هوينــه

لجله جدنه وقدمينـــــه             وختلط دمنه سويــــــــه

***

دمنه وي دمه توحــــد              الله والتاريخ يشهــــــــد

نصره للهادي محمـــد      نحمي نهجه من ال اميه

***

صغنه منهج للكرامــه              نقتدي بنور الامامــــــه

صرنه نهتف لاكرامه                وتحكم اولاد الدعيـــــه

***

مارضينه بيوم ذلـــــه              سيفنه نشهره ونسلــــه

نرجم الطاغي ونشلـه               نهتدي بحامي الحميــه

***

احنه علحگ مانجامل               ليوث بالحومه نقاتـــل

علعده نصبــح زلازل                نرسم بچفنه المنيــــــه




تم تنشره یوم 12:59:50 - 1390/10/1 من من قبل الرادود حاتم الزرگانی عدد الزوار 137




تاريخ الأحرار بالدعوه الحسينيه

حر الرياحي بكربله... مثل الأحرار بالدعوه الحسينيه
** ** ** **
هاجت بجسم الرياحي شيمته ودم الحميه

وخله مرآت الإنصاف ?باله والفكره القويه

طلّ? الدنيا وهواها وعقد حورية المنيه

وبوجهه من لاح السعد.... ناداه صدق بالعهد

وامشي على ضي الوعد..... وارضي الباري ونبيه

شوف السعد شوف..... للحر نور أفكاره

والمنقسم رد الهله.... وعلى الوعد سار

بالدعوه الحسينيه
** ** ** **
و?ف مت?تف وسيفه بر?بته وبالح? تشاهد

مذنب ونادم تراني إي وح? جدك محمد

وا?صدت يحسين وافد وإنت للوفاد م?صد

يحسين رد لي لهفتي... يحسين عدل زلتي

يحسين عف عن سايتي... والتعف عنه تأيد

ناداه الحسين... إبشر وانعم عيونك

من ساعة ال?الوا بلا... سجلوك خطار

بالدعوه الحسينيه
** ** ** **
بشر واستبشر الحر وصاح ياوالد اليمه

عبدك التعت? ر?بته ما يعز عليك دمه

إرخصني للميدان اريد ال?لب زينب أجلي همه

وانعم نواظر فاطمه... واتحنه للموت بدمه

واللي يريد الغانمه... مايظل م?يود ذمه

واليحمل السيف.... كون يأدي مرسومه

ويتسنم العز والعله... ويخلـّد آثار

بالدعوه الحسينيه
** ** ** **
أخذ من حسين أمر الحرب واشتد عالملازم

صكت بوجهه الرماح وهلهلت بيض الصوارم

وصاح أنا الحر الرياحي واصبحت لحسين خادم
واليخدم بيوت الشرف.... بفعال محموده انوصف

والمسكن بأعلى الغرف... لليحامي بيوت هاشم

واحرار البيوت.... كون أ?سب مراضيها

والموت برضاها يحله.... وآخذ الشنيار

بالدعوه الحسينيه
** ** ** **
شما عذل بالكوفه عيّت تمتثل أمر الإراده

لبس فو? الدرع ?لبه وزرّه ببنود الشهاده

وقائد الأرواح سيفه وحلت للسيف القياده

مد رمحه بعيون الحرب... دم ودمع ?امت تصب

ذب الجنح فو? ال?لب... وانشكر سعيه وجهاده

واحتارت الناس..... باسراره وبراهينه

?الوا الحر شبدله.... وأظهرت اسرار

بالدعوه الحسينيه
** ** ** **
بانتصار حسين للحر أظهرت للنصر آيه

باح للإسلام دمه وشهد صارت له المنايه
تاجر وربح التجاره عقد جوهرة الولايه

ومصابه لحسين أفجعه.... وحسين سار لمصرعه

ضمه الصدره و ودعه.... ورشحه بنورالهدايه

ياحر يناديه..... أمك ما خطت بسمك

جامع صفات الكامله..... وإسمك على صار

بالدعوه الحسينيه
** ** ** **
خل التأويل عنك خوفي ل?بك يل?مه

إقتدي بحر الرياحي الما?در للسر يضمه

تجلت بوجهه الولايه وباح للإسلام دمه

حر الرياحي من س?ط عالغبره...... ت?نه بضعيف الصوت ببن الزهره




تم تنشره یوم 12:58:33 - 1390/10/1 من من قبل الرادود حاتم الزرگانی عدد الزوار 86




راية الاصلاح مسلم رايته -- أنشد الكوفه
عليمن غدرته


واويلاه -- واويلاه

--

أنشد الكوفه وجميع اقطابها -- من بعد هالظلم لمن صابها

كلها وقعت عالعهد بكتابها -- للحسين العهد هذا نكثته

واويلاه -- واويلاه

--

من بعد ماصابهم ذل وهوان -- لامسوات او عدل لاظل أمان

وصار بس بحسين يلهج كل لسان -- يجي ايخلصهم امن الذل رادته

واويلاه -- واويلاه

--

صار آلاف الكتب بعثوا اله -- وگالوا أقدم اي يبن عقد الوله

وبعث مسلم بالسفاره ايمثله -- طاع امر حسين راح ابهمته

واويلاه -- واويلاه

--

وصل للكوفه يريد الها الصلاح -- مثل عمه البطل حيّ اعله الفلاح

راد يصلح شهروا ابوجهه السلاح -- وكل قبايلها وعدها نكرته

واويلاه -- واويلاه

--

نكرته المسلم وباعتها الذمم -- اعقول عفنه وكل ظمايرها عدم

بالغدر جازته ومنهم ماسلم -- وبالحبل بالكوفه جرّوا جثته

واويلاه -- واويلاه

--

اول امصيبه على حسين التمر -- من رموا جثة سفيره امن القصر

انفجع گلب حسين من هذا الامر -- وصار برض الطف يخيّم نيته





تم تنشره یوم 12:52:30 - 1390/10/1 من من قبل الرادود حاتم الزرگانی عدد الزوار 101



صفحه 8 از 31   ابتدا 4 5 6 7 8 9 10 11 12 13 انتها